Dywedodd cyfarwyddwr gwasanaethau dŵr cwmni Dŵr Cymru, Marc Davies, bod y tywydd “wedi bod yn eithriadol o sych ar ddechrau’r flwyddyn”.
“Mis Mawrth eleni oedd y pedwerydd sycha’ ni ‘di gweld ar record a ni ‘di gweld y diwrnod poethaf ni ‘di gweld ar ddechrau mis Mai.
“Ni’n gofyn i gwsmeriaid i fod yn ofalus o faint o ddŵr maen nhw’n defnyddio – defnyddio faint o ddŵr maen nhw angen wrth gwrs, ond i beidio gwastraffu dŵr.”
Ychwanegodd eu bod nhw’n annog cwsmeriaid i “ddiffodd y dŵr wrth lanhau dannedd a gwneud yn siŵr bod y peiriant golchi dillad yn llawn wrth ei ddefnyddio”.
“Ac os oes rhywun yn defnyddio eu paddling pools dros y penwythnos, gwneud yn siŵr bod nhw’n cadw’r dŵr a’i ddefnyddio yn yr ardd,” ychwanegodd.
